كبسولة مبيعات…مع محمد النقيب

بقلم _ محمد النقيب 

خبير تنمية المهارات _مطور العقول

سلسلة التسويق في كبسولة المبيعات – 5 حلقات تكشف أسرار السوق خطوة بخطوة

كبسولة المبيعات – التسويق الحلقة 2 من 5

في الحلقة اللي فاتت، عرفنا إن التسويق بيجهز المسرح… والبيع بيقف قدام الجمهور.

النهارده هنتكلم بصراحة أكتر عن العلاقة بين الاتنين.

السادة رجال المبيعات المحترفين،

مضيّعوش وقتكم في الخناق مع رجال التسويق!

ما تزعلوش لو ما قالوش تاريخ الإعلان، أو مكان الحملة، أو حتى قيمتها…

لأن ببساطة، عمرهم ما هيقولوا!

رجال التسويق بطبعهم “حُويطين”، وبيخافوا على أفكارهم، ودايمًا حذرين من إن أي حد يوصل للمنافسين ويحرق خطتهم.

دوركم الحقيقي مش إنكم تراقبوهم…

لكن إنكم تنسّقوا مع إدارة التسويق من خلال مدير المبيعات، وتستفيدوا من أفكارهم عشان تتمموا صفقاتكم بأفضل شكل.

ركزوا في شغلكم… ركزوا في إغلاق الصفقة،

واستغلوا الأدوات التسويقية اللي الشركة عاملاها لخدمتكم.

لأن ببساطة… الشركة ما اختارتش رجال التسويق عبث.

أكيد اختارتهم صح، ومعيّين علشان يساعدوكم، مش يعطّلوكم.

وهنا مش هتسمعوا كلام كتب…

هنا هتتعلموا أسرار السوق، الحيل اللي ما تتقالش، والخطوات اللي فعلًا بتنجح.