كبسولة المبيعات – الفرق بين البيع والتسويق

بقلم_ محمد النقيب 

خبير تنمية المهارات _ مطور عقول

“البيع والتسويق ناس كتير فاكرين إنهم حاجة واحدة… لكن الحقيقة إنهم وجهين لعملة واحدة.

التسويق هو اللي بيصنع الوعي بالمنتج، بيعمل انتشار، بيحط خطط ترويج، ويهدف يوصل لأكبر شريحة من الناس، وبالتالي يرفع أرباح المؤسسة على المدى الطويل.

أما البيع، فدوره المباشر هو إقناع العميل وإغلاق الصفقة، حتى لو ده معناه يقدم خصم أو عرض خاص عشان يتم البيع.

التسويق بيجهز المسرح، والبيع بيقف قدام الجمهور.

ولا التسويق يقدر يستغنى عن البيع، ولا البيع يقدر يشتغل من غير تسويق. كل واحد له دور أساسي، ولما الاثنين يتكاملوا… المؤسسة أو الشركة بتحقق أعلى عائد.

وهنا مش هتسمع كلام كتب…

هنا هتتعلم أسرار السوق، الحيل اللي ما تتقالش، والخطوات اللي فعلًا بتنجح.”