يوميات “امرأة مطحونه”
بقلم: هناء هيكل
لما الست بتصبر على راجل الناس بتقول رخيصه ماعندهاش كرامة ولما بتتطلق منه بيقولوا ليه ماتحملتش عشان عيالها ولما بتاخد عيالها عند اهلها بعد الطلاق بيقولوا هي جايه تكوم على أهلها ولما بتاجر شقه بيهم عشان ترتاح وولادها يستقرو بيقولوا دايرة على حل شعرها ولما بتحبسهم في الشقه عشان تروح تشتغل وتصرف عليهم بيقولوا يا قلبها سايبه اطفال لوحدهم ولما بتتمرمط بيهم بيقولوا هي مشنوقه بيهم ليه ماترميهم لابوهم اولي بيهم..ولما بتروح المحكمه عشان تاخد من الباشا نفقه وترتاح من الشغل وتقعد تفضي لعيالها بيقولوا عليها ناشز وبهدلت الراجل في المحاكم وعاملاها سبوبه ولما بتزهق وتياس وتستسلم وتسيبهم لابوهم بيقولوا المفتريه اللي ماعندهاش قلب اللي رمت عيالها، ولما بتقعد كده لا محصله متجوزه ولا بتربي عيالها بيقولوا أصلها مش لها ف الزواج ولا لها ف فتح البيت ولما ربنا بيقدر لها انها تتجوز..بيقولوا الوليه اللي ماشيه ورا نزواتها ولما ربنا بيعوضها فعلا براجل محترم وترجع تدور بس انها تشوف عيالها بيقولوا مش اتجوزتي عاوزه من عيالك ايه
ايها الظلمه الضالين المضلين
كفاكم ظلم لوصية النبي صلى الله عليه وسلم
كفاكم تجريح ، فتلك المراه ربما تكون في يوم من الأيام اختك او بنتك ، فى النهاية كلام الناس ميفرقش اللى يعيب عليك يجى يعيش مكانك أو يتحمل هو المسئووليه مكانك.
