رسالة معلم…رسالة لأولادي طلابي اللي منتظرين نتيجة 3ثانوي 

بقلم الأستاذ/حسين البحطيطي 

* كان نفسي أكون جنبك اللحظه دي اكتر لحظه تمنيت فيها اكون جنبك واطبطب عليك من غير حتى منتكلم

* بغضّ النظر عن نتيجتك ومجموعك انا فخور بيك ، فخور بيك جدا كمان

لازم تحس انك عظيم في عين نفسك

لأنِك عارف كويس صراعاتُك و مُعاناتك وانكساراتك ، وازاي قدرت تعدي مشاكل وتواجه صعوبات ف وسط ظروف قاسيه محدش يعرفها ولا هيقدرها إلا أنت

انا بحبك أصلا من غير ألقاب .

اللقب إللى هيتحط قبل اسمك مش لقب السعاده الأبديه دا مجرد لقب لنجاح مرحلي من حياتك. ولسه هتقابل امتحانات كتييييير جداً

يمكن تمتحن كل يوم .

امتحان اخلاق وامتحان اعصاب وامتحان ابتسامه وتعامل مع الناس

حتى مداومتك على صلاتك وصداقاتك برضو امتحان وهتفضل كده طول العمر .

وهفضل احبك برضو طول العمر .